తెలంగాణ టెట్ అభ్యర్థులకు గుడ్ న్యూస్..‌.

తెలంగాణ టెట్ అభ్యర్థులకు గుడ్ న్యూస్..‌.

హైదరాబాద్ (పీపుల్స్ మోటివేషన్):-

తెలంగాణ రాష్ట్ర ప్రభుత్వం టీఎస్పీఎస్సీ ఆధ్వర్యంలో నిర్వహిస్తున్న టెట్ (టీచర్స్ ఎలిజబిలిటీ టెస్ట్)కు హాజరయ్యే అభ్యర్థులకు పరీక్ష రాసే విధానంలో పలు మెళకువలతో పాటు సలహాలు-సూచనలు అందించడానికి మే 15 బుధవారం నుండి టీ- షాట్ ప్రత్యేక ప్రత్యక్ష ప్రసార కార్యక్రమాన్ని ఏర్పాటు చేసినట్టు టీ-షాట్ సీఈవో బోదనపల్లి వేణుగోపాల్ రెడ్డి మే 14  మంగళవారం రోజు ఒక ప్రకటనలో తెలిపారు. బుధవారం నుండి నాలుగు రోజుల పాటు ఐదు సబ్జెక్టులపై అనుభవం కలిగిన ఉపాధ్యాయులచే ప్రత్యేక లైవ్ కార్యక్రమాన్ని ఏర్పాటు చేసినట్లు తెలిపారు. టీ-షాట్ నిపుణ ఛానల్‌లో ఉదయం 11 నుండి 12 గంటల వరకు గంట పాటు ప్రత్యేక ప్రసారం చేయనున్నట్టు వెల్లడించారు.

15వ తేదీన సైకాలజీ

16న టీచింగ్ మెథడ్స్,

17న తెలుగు

18న ఫిజికల్ సైన్స్, మాథ్స్ 

సబ్జెలపై కొనసాగే ప్రసారాలు నిపుణ ఛానల్‌తో పాటు టీ-శాట్ విద్యా ఛానల్‌లో మరుసటి రోజు సాయంకాలం ఐదు నుండి ఆరు గంటల వరకు పున:ప్రసారమౌతాయని అయన తెలిపారు. ఇప్పటికే టెట్ అభ్యర్థుల కోసం సుమారు 200 ఎపిసోడ్స్ టీ-షాట్ డొమైన్‌లో అందుబాటులో ఉన్నాయన్నారు. అభ్యర్థులు తమ సందేహాలు-సమాధానాల కోసం 040-3540326/726, టోల్ ఫ్రీ నెం.1800 425 4039 నెంబర్లకు కాల్ చేయవచ్చని సీఈవో సూచించారు.