మగవారిలో తగ్గి పోతున్న స్పెర్మ్ కౌంట్.. ఆహారంతో పాటు జీవనశైలిలో తగిన మార్పులే...హ్యూమన్ రీ ప్రొడక్షన్ సంస్థ
మగవారిలో తగ్గి పోతున్న స్పెర్మ్ కౌంట్.. ఆహారంతో పాటు జీవనశైలిలో తగిన మార్పులే...
పెళ్లయినా పిల్లలు పుట్టని జంటలు ఎన్నో.. కారణం కౌంట్ తగ్గిపోవడమేనట
పురుషుల్లో ఏకంగా 62 శాతం తగ్గిన స్పెర్మ్ కౌంట్
స్పెర్మ్ నాణ్యత కూడా 51 శాతానికి పడిపోయిందన్న పరిశోధకులు...
ఆహారంతో పాటు జీవనశైలిలో తగిన మార్పులు...
-హ్యూమన్ రీ ప్రొడక్షన్ సంస్థ
కౌంట్ పడిపోవడమే కాదు నాణ్యత కూడా తగ్గిందని ఈ సంస్థ తెలిపింది. కౌంట్ విషయానికి వస్తే 62.3 శాతానికి తగ్గగా.. నాణ్యత 51.6 శాతానికి పడిపోయిందని వెల్లడించింది. 53 దేశాలకు చెందిన 57 వేల మంది పురుషుల నుంచి సేకరించిన శాంపిల్స్ ను పరీక్షించి ఈ వివరాలను కనుగొన్నట్లు తెలిపింది. దీనికి పలు కారణాలు ఉన్నప్పటికీ ప్రధానమైంది జీవనశైలిలో మార్పులేనని పరిశోధకులు చెబుతున్నారు. జీవనశైలిలో మార్పులు, ఒత్తిడి, టెన్షన్, ఆహారం.. అన్నీ కలిసి పురుషుల్లో స్పెర్మ్ కౌంట్ పడిపోవడానికి కారణమవుతున్నాయని వివరించారు. ముందు ముందు ఈ సమస్య మరింత తీవ్రం అవుతుందని హెచ్చరించారు. ఆహారంతో పాటు జీవనశైలిలో తగిన మార్పులు చేసుకోకుంటే సంతానభాగ్యానికి నోచుకోలేరని హ్యూమన్ రీ ప్రొడక్షన్ సంస్థ హెచ్చరించింది.