బుగ్గన ను ఓడించడమే మన లక్ష్యం...ప్రతి ఒక్కరు కష్టపడి టీడీపీ ని గెలిపించుకుందాం..

బుగ్గన ను ఓడించడమే మన లక్ష్యం...ప్రతి ఒక్కరు కష్టపడి టీడీపీ ని గెలిపించుకుందాం..

డోన్ నియోజకవర్గ తెలుగుదేశంపార్టీ ఆత్మీయ సమావేశం

అందరం కష్టపడి వచ్చే ఎన్నికల్లో నారా చంద్రబాబు నాయుడు ని ముఖ్యమంత్రిని చేసుకుందాం

-మన్నే సుబ్బారెడ్డి

డోన్ పట్టణంలో తెలుగుదేశంపార్టీ రాష్ట్ర కార్యనిర్వహక కార్యదర్శి ధర్మవరం మన్నే సుబ్బారెడ్డి ఆధ్వర్యంలో నిర్వహించిన ఆత్మీయ సమావేశం కార్యక్రమానికి ముఖ్య అతిథులుగా డోన్ నియోజకవర్గ టీడీపీ ఎమ్మెల్యే అభ్యర్థి కోట్ల జయ సూర్యప్రకాష్ రెడ్డి, మాజీ ఎమ్మెల్యే బిసి జనార్ధన్ రెడ్డి, నంద్యాల పార్లమెంట్ టీడీపీ ఎంపీ అభ్యర్థి బైరెడ్డి శబరి, నంద్యాల జిల్లా టీడీపీ అధ్యక్షులు మల్లెల రాజశేఖర్ గౌడ్, యువ నాయకులు కోట్ల రాఘవేంద్ర రెడ్డి హాజరయ్యారు.

ధర్మవరం మన్నే సుబ్బారెడ్డి  మాట్లాడుతూ...

ఆత్మీయ సమావేశం  ముఖ్య ఉద్దేశ్యం అందరికీ తెలిసిందేనని, రెండున్నర సంవత్సరాల నుండి నాతో కలసి కష్టపడి పని చేసిన తెలుగుదేశంపార్టీ నాయకులకు, కార్యకర్తలకు ధన్యవాదాలు తెలియజేస్తున్నానని అన్నారు. బుగ్గన ను ఓడించాలనే లక్ష్యంతో నెలలో 28రోజులు తెలుగుదేశంపార్టీ కొరకు మనందరం కష్టపడడం జరిగిందని అన్నారు. నా ఎదుగుదలకు కోట్ల కుటుంబంతో పాటు కెయి.ప్రతాప్, బీసి జనార్ధన్ రెడ్డి, గౌరు వెంకటరెడ్డి సహకరించారని, పార్టీ అధినేత నారా చంద్రబాబు నాయుడు ని కలిసినప్పుడు కార్యకర్తలు ఎవరైతే కష్టపడ్డారో  వారికి న్యాయం చేయాలని తెలపడం జరిగిందని, కోట్ల జయ సూర్యప్రకాష్ రెడ్డి కూడా న్యాయం చేస్తానని చెప్పారని అన్నారు. నేను డోన్, ప్యాపిలి, బేతంచేర్ల మూడు పట్టణాలలో పర్యటించినపుడు పేదలకు ఇంటి పట్టా ఇవ్వాలనుకున్నానని , కానీ ఇవ్వలేక పోతున్నందుకు బాధ పడుతున్నా అన్నారు. ఏది ఏమైనా గానీ రానున్న ఎన్నికల్లో బుగ్గన ను ఓడించి, ఎమ్మెల్యే గా మన అభ్యర్థి కోట్ల జయ సూర్యప్రకాష్ రెడ్డి ని, ఎంపీ గా మన పార్లమెంటు అభ్యర్థి బైరెడ్డి శబరి ని గెలిపించుకోని నారా చంద్రబాబు నాయుడు ని ముఖ్యమంత్రిని చేసుకోవాలని అన్నారు.